Með Gerrard á bekknum og Torres á annarri löppinni... já já

Já, já, þegar mikið liggur við eru mínir menn bestir, og Benitez klókur. Flott mark hjá Jússa, hann er seigur þegar á reynir. Mikið þarf að klúðrast á Anfield til að við komumst ekki áfram í 8-liða úrslitin. Og við með fleiri Spánverja í byrjunarliðinu en Real Madrid. Fyndið. Þegar á heildina er litið var þetta sanngjarn sigur, hinir rauðklæddu stjórnuðu leiknum lengst af - ef frá er talinn fyrsti stundarfjórðungurinn. Þá hefði Raúl blessaður alveg getað sett inn eitt mark. En til allrar hamingju gerði hann það ekki.

Hinum megin hefði Torres alveg getað potað tuðrunni inn skömmu síðar. Verra að drengurinn skyldi meiðast og lengstum spilaði hann á annarri löppinni. Í því ljósi, og að Gerrard sat á bekknum í 85 mínútur, er sigurinn enn sætari og merkilegri. Liðsheildin var frábær, allir voru með fulla meðvitund og á tánum allan tímann, kannski ef frá er talinn Rieira. Svo náði Babel blessaður ekki að sýna mikið.

Meistaradeildin er okkar deild, svo mikið er víst.

Liverpool skellti Real Madrid - Naumur sigur Chelsea gegn Juventus

Athugasemdir

[arnar valgeirsson, 26.2.2009 kl. 00:37]

miðað við hvað þið eruð ótrúlega lélegir er merkilegt hvað menn reyna á sig í meistaradeildinni já.

sá leikinn og spáði jafntefli fyrir leik. real hefði sætt sig við 0-0 en væntanlega ekki við 0-1. hvorugt liðið átti meira skilið að vinna en hitt enda datt þetta á einu marki.

en til hamingju, þoli ekki real þannig að ég unni þér þetta alveg.

[arnar valgeirsson, 27.2.2009 kl. 16:19]

jæja, þá er að smala öllum varnarmönnunum saman fyrir næsta leik gegn real. það má ekki fá á sig mark. absólút ekki.

en á síðu minni afhjúpa ég leyndarmál sem snertir þig persónulega, sem og aðra villuráfandi sauði. jebbs, ekki von að menn séu ekki alltaf með einbeytingu á hreinu sko.