Hitnar undir spænskum rassi...

Mikið lifandis skelfing er maður orðinn óþolinmóður eftir að sjá liðið sitt spila af einhverju viti, fjórða jafnteflið í röð. Þetta er farið að taka all verulega á taugarnar og blóðþrýstinginn. Liðið er eitthvað svo andlaust og hugmyndasnautt, helst að eitthvað líf sé í Torres og Babel, Gerrard er úi á túni. Ekki veit ég af hverju Crouch var ekki sjáanlegur í dag, ekki einu sinni á bekknum. Það er eins og Benitez karlinn eigi ekki lengur nein spil á hendi, alltaf með sama fýlusvipinn á bekknum. Eitthvað vantar - hvernig væri bara að sparka karlinum og fá Mourinho á Anfield, þá gæti færst fjör í leikinn á ný. Ef þetta heldur svona áfram fer stóllinn hjá hinum spænska stjóra að verða æði heitur.

Vonandi fer eitthvað að gerast af viti. Á meðan Crouch er fjarverandi og Kuyt inn á, þá gerist ekki mikið - því miður.

Birmingham náði stigi á Emirates

Athugasemdir

[arnar valgeirsson, 12.1.2008 kl. 18:22]

svona svona. passaðu gangráðinn.

farðu bara að taka mark á þér eldri og reyndari manni, væni. það er styttra í það að við tökum enska bikarinn en þessir rauðu kálfar.

[Ragnar Bjarnason, 12.1.2008 kl. 19:58]

Ætla ekki að detta í hinn skefjalausa gagnrýnisheim nútímaknattspyrnunnar þar sem menn fá engan tíma til að ná árangri sama hvernig aðstæðurnar eru þó svo að vel sé reynt á langlundargeð manns þessa dagana.

Þetta sést best á því að þegar tímabilið er ríflega hálfnað hafa átta stjórar fengið sparkið og sá nýjasti sem fór rétt náði átta mánuðum í starfi.

Menn verða að fá tíma til að koma sínu fram og ráða fram úr þeim vandamálum er að steðja.

[Björn Jóhann Björnsson, 12.1.2008 kl. 20:19]

Arnar minn, sennilega ferðu að hafa rétt fyrir þér hvað úr hverju, amk á meðan Spánverjinn hangir á Anfield.

Gaman að heyra frá þér Ragnar, vonandi ertu gallharður Púllari og sammála mér um að Benitez sé búinn að fá dágóðan tíma (talið í nokkrum árum) til að byggja upp lið sem hefur möguleika á dollunni á Englandi. Svo virðist sem hann sé ekki að finna sömu fjöl þar og hann hefur gert í Meistaradeildinni, þar er ekki undan neinu að kvarta. Þegar til Englands er komið, þá er eins og eitthvað sé að, því miður.

[Aðalsteinn R Björnsson (IP-tala skráð) 13.1.2008 kl. 01:10]

Er nokkur góður þjálfari sem getur tekið við liðinu í dag?Það er ekki glæsilegt Newcastle liðið efir að Stóri Sam var rekinn.