Upphaf að einhverju stærra

Hvað getur maður sagt eftir svona stórkostleg úrslit? Auðvitað öskraði maður af kæti en satt best að segja örlaði á smá undrun yfir þessum gríðarlegu yfirburðum. Að fylgja eftir stórleik gegn Real Madrid með þessum hætti er ekkert annað en meistarastykki, líklega einhver sigursælasta vika félagsins að baki. Mann skortir einfaldlega lýsingarorð, geðshræringin var slík. Gerrard og Torres eru einfaldlega snillingar á góðum degi, vel studdir af vinnujálkum eins og Carragher, Hyippia og Kyut. Mörkin hjá Aurelio og Dossena krydduðu síðan stórkostlegan leik.

Að sjá frábæra knattspyrnumenn eins og Vidic og Van der Saar í tómu tjóni allan leikinn, og það á heimavelli, var áhugavert, svo ekki sé meira sagt.  Vonandi lækka úrslitinn rostann í Ferguson og hans tindátum eins og hobbitanum Rooney, og verða að sama skapi upphaf að góðum endaspretti hjá Liverpool í deildakeppninni. Þó að forskot Man Utd sé enn 4-7 stig þá er enn von, já já.

Við erum bestir!

Liverpool fagnaði stórsigri á Old Trafford

Athugasemdir

[Guðmundur Sverrir Þór, 14.3.2009 kl. 19:29]

Heyr, heyr

[Styrmir G (IP-tala skráð) 14.3.2009 kl. 19:38]

Heyr heyr félagi. Mögnuð vika að baki og það er sko allt eins mögulegt að ManU tapi stigum í framhaldinu. Ef þetta brýtur ekki niður sjálfstraust þá veit ég ekki hvað :)

Ætli hlunkurinn hann Rooney hati okkur ekki aðeins meira eftir þessa útreið haha!

[Valdimar (IP-tala skráð) 14.3.2009 kl. 20:02]

Þið væruð nú sennilegast efstir ef þið væruð bestir

[Hörður H (IP-tala skráð) 14.3.2009 kl. 21:16]

Af hverju eru poolarar að vinna real madrid og man -u  en eiga í brasi  með middlesborugh og stoke.?Kannski svona góðir við þá sem minna mega sín.

[Rúnar Birgir Gíslason, 15.3.2009 kl. 09:12]

Til hamingju með vikuna.

Mikið hló ég í gærkvöldi, var að hlusta á Snorra Sturluson á Rás 2 og inn hringdi maður sem bað um óskalag tileinkað Rooney, lagið var Innan í mér syngur vitleysingur með Sigurrós

[Björn Jóhann Björnsson, 16.3.2009 kl. 10:45]

Góðgjörðarverk hafa alltaf loðað við þá sem alist hafa upp á Anfield, en það er hverju orði sannara að eitthvað bogið er við að svona lið nái ekki að vinna lið eins og Boro og Stoke. Þetta er sennilegast sálfræðin, erfitt að mótivera þessa drengi gegn "litlu" liðunum, sem leggja auðvitað allt í sölurnar til að sigra þá stóru.

Fjári góð saga með óskalagið til handa Rooney, hræddur um að nokkuð sé til í þessu... :-)