Fagnaðarefni og eins gott að dollurnar skili sér...

Þessari frétt ber að fagna, þó ekki væri nema til að létta á ákveðinni óvissu kringum Anfield með stjóramálin. Nú ættu allir sem einn að geta einbeitt sér að áframhaldandi sigurgöngu á vellinum. Frábær árangur í síðustu leikjum hefur þarna væntanlega gert útslagið, hefðum við tapað fyrir Real Madrid og Man Utd hefði Benitez væntanlega þurft að taka pokann sinn í sumar, ef ekki fyrr. En það er þetta blessaða ef. Það er stutt á milli hláturs og gráts í þessum harða heimi.

Með þessum óvenju langa samningi munu kröfurnar aukast sem aldrei fyrr á liðið að skila einhverjum dollum heim á Anfield. Enn eru möguleikar á tveimur stórum í vor, sennilegast meiri líkur á Evróputitli en Englandsmeistaratitli. Ætla bara rétt að vona að við drögumst ekki á móti einhverju ensku liðanna í 8-liða úrslitum. Porto er óskadráttur.

Svo er það bara næsta verkefni að rúlla upp Aston Villa á sunnudaginn. Jákvæð teikn voru að sjá Benitez fagna sigrinum gegn Man Utd á leið til búningsklefa. Það sást amk bros hjá kallinum

Benítez samdi við Liverpool

Athugasemdir

[Ragnar Martens, 18.3.2009 kl. 23:47]

Er þessi mynd "fölsuð"?

Hann er næstum brosandi.

Ef þú ert að falsa myndir sem er í eigu ljósmyndara þá getr þú átt von á lögsókn, vegna höfundarréttar:)

[Páll Geir Bjarnason, 19.3.2009 kl. 01:07]

Neinei, hann er bara að hugsa um vörn utd. Enda hlægilegt fyrirbæri.

[Ragnar Martens, 19.3.2009 kl. 17:23]

Þú ert nú meiri kjáninn.

Það hefur engin vörn fengið á sig færri mörk en Man Utd. = Besta vörnin.

Svo erum við líka með flest mörk að meðaltali.

[Björn Jóhann Björnsson, 19.3.2009 kl. 20:25]

Hægan drengir, þessi mynd er eins ekta og hún getur verið, tekin þegar Benitez frétti að hann væri orðinn afi...:-))