Bolabrögð gegn Barða?

Skeytasending Friðriks Ómars til áhorfenda, glymur hæst í tómri tunnu, gefur til kynna að mikillar gremju hafi gætt meðal keppenda útaf vinsældum Mersedes Club og lags Barða Jóhannssonar, Ho,ho ho. Að Júróvisjón-klíkan hafi átt sér þá ósk heitasta að Silvíunæturævintýrið myndi ekki endurtaka sig. Sjálfsagt hafa allir reiknað með fyrirfram að Ho, ho, ho myndi vinna, bæði þjóðin og flytjendur sjálfir. Brúnkusprautuðu sterabúntin í Mersedes Club höfðu farið mikinn í fjölmiðlum fyrir keppnina, einkum á Stöð 2 og Bylgjunni, og gengið út frá því að þau myndu vinna. Eftir á að hyggja gæti sú sigurvissa hafa verið mistök, og færri því séð ástæðu til að eyða símtali eða sms á lagið.

En skyldi Sjónvarpið hafa gengið í lið með hinum keppendunum og stuðlað að ósigri Barða? Atkvæðagreiðsla álitsgjafanna Erps, Selmu og Þorvaldar í miðri símakosningu var amk athyglisverð, þau beðin að spá fyrir þremur efstu sætum og merkilegt nokk, ekkert þeirra nefndi Ho, ho, ho á nafn, bara eins og það væri ekki til. Kannski hafði Palli Magg gefið út þá dagskipun að allt yrði gert sem hægt væri til að koma í veg fyrir sigur Barða, til að endurtaka ekki grínið kringum Silvíu Nótt!! Nei, ég segi nú bara svona.

Palli Magg getur amk sofið rólegur yfir því að við þurfum ekki að halda keppnina árið 2009. Sykurpúðarnir Friðrik og Regína munu ekki fleyta okkur svo langt. Ho, ho, ho hefði þó verið líklegra til að koma okkur upp úr undanrásunum, hvað sem segja má um það framlag. Ég er nefnilega svolítið hræddur um að skot Friðriks Ómars eigi eftir að fylgja honum út keppnina og hitta hann illa fyrir.

Eurobandið fer til Serbíu

Athugasemdir

[Ebba (IP-tala skráð) 24.2.2008 kl. 11:04]

Já, manni fannst þetta alls ekki smekklegt að þurfa að koma þessu að í sigurvímunni. Við misstum öll andlitið á þessu heimili við þessa tilkynningu sem hann „varð“ bara að segja. Allt í einu langaði mig ekkert sérstaklega til að lagið hefði komist áfram.

[Árni Gunnarsson, 24.2.2008 kl. 11:18]

Alveg makalaust aulalegt og ósmekklegt hjá drengbjálfanum.

[Jón Agnar Ólason, 24.2.2008 kl. 11:19]

Sammála, þetta lýsir bara innréttingum viðkomandi. Friðrik Ómar var slakur tapari í fyrra - það lak af honum fýlan þegar Eiki sigraði - og nú reynist hann jafn slakur sigurvegari?! Svona skapgerð veit ekki á gott ætli menn að eiga langvinnan feril í showbissness...

Þess utan eiga menn að hafa vald á orðaforðanum áður en þeir láta gamminn geysa með þessum hætti; orðatiltækið er "hæst BYLUR í tómri tunnu" - ekki glymur.

[Helga (IP-tala skráð) 24.2.2008 kl. 11:48]

Get ekki verið meira sammála.  Við misstum öll andann þegar hann sagði þetta.  Hefði haldið að hann hefði þann karakter að sýna auðmýkt og þakklæti en ekki hroka.  Það veit ekki á gott.  Búin að missa áhugan á að horfa á í vor.

[Matti sax, 24.2.2008 kl. 12:03]

Það er mjög merkilegt að dómnefndin hafi ekki sett Hey hey í eitt af fyrstu sætunum hjá sér. Það er mikil skítalykt af þessu öllu saman. Til hvers var dómnefndin yfir höfuð af koma með sín álit? Jú til að hafa áhrif á úrslitin og það tókst. Svei svei

[Jóhanna (IP-tala skráð) 24.2.2008 kl. 12:43]

Ja hérna hér.....þvílíkur kjánahrollur sem hríslaðist um æðar mínar við lokaorð Friðriks Ómars í gærkveldi. Ætli lítillæti sé alveg dottið úr tísku?

[Guðmundur Benediktsson, 24.2.2008 kl. 13:05]

Það er rétt að Fiðrik Ómar hefði átt að sýna meiri auðmýkt. Ég held samt að margir séu sammála honum. 

[Björn Kr. Bragason, 24.2.2008 kl. 15:52]

Kannski er þetta bara fyrir bestu, nú fá þau loksins sínar 15 mínútur sem bæði eru búin að berjast fyrir síðan forkeppnin var tekin upp eftur, fara út, slefa ekki upp úr forkeppninni, og koma heim heim með skottið á milli lappana og fara bara aftur á Players þar sem enginn þarf að hlusta nema sveitafólk og nýbúar, og þar daga þau bara uppi án þess að maður þurfi að heyra múkk frá þeim aftur. Kannski eru þetta ekki algalin úrslit eftir allt saman

[sting (IP-tala skráð) 24.2.2008 kl. 22:14]

Þau í Mercedes Club gátu ekki sungið. Sérstaklega ekki "söngkonan". Því fór sem fór. Þurfti engin bolabrögð til.

[Björn Jóhann Björnsson, 24.2.2008 kl. 23:55]

Sei, sei, ho, ho, bloggheimar bókstaflega brenna, man ekki til þess að hafa séð jafnmargar færslur útaf einu máli, hvað þá athugasemdir á þessari litlu síðu   Sammála öllum sem hér hafa tjáð sig, og allir tekið undir með mér, nema kannski Stingur sá síðasti. Þó á hann eitthvað til síns máls með sönghæfileikana, amk klikkaði eitthvað hjá stelpunni eða tæknimönnunum í gærkvöldi, en er samt ekki frá því að þetta lag(show) hefði náð mun lengra í Belgrad í vor en Júróbandið. Barði og hans lið er öðruvísi, hitt höfum við séð áður með tilheyrandi martröð og timburmönnum.