Tók sig upp gamalt fagn...

Maður var nú varla búinn að jafna sig eftir tapið gegn Everton í bikarnum þegar leikur okkar manna hófst í Hafnarmynni síðdegis. Ekki skánaði það þegar heimamenn komust yfir óverðskuldað í seinni hálfleik. Þá fór vélin loksins í gang og liðið sýndi hvað það getur þegar á reynir, og það án Geirharðs. Hef sjaldan blótað Hemma Hreiðars í sand og öskur en það gerðist er hann kom sínum mönnum yfir. Við áttum þá eitt tromp í hendi sem var Torres.

Kæmi ekki á óvart þótt jarðskjálftamælar hafi kippst við hér í Hlíðunum þegar sigurmarkið kom. Maður gekk af göflunum. Nú er það toppurinn aftur og mér segir svo hugur að Man Utd tapi stigum á morgun!

YNWA...

Liverpool á toppinn eftir magnaðan sigur

Athugasemdir

[arnar valgeirsson, 7.2.2009 kl. 22:18]

ljóti grísinn ævinlega hreint.

en vona að west ham pakki manjú saman því nú er maður west ham dúd. svona fyrir utan leeds sko

[Hjörtur Geirmundsson (IP-tala skráð) 7.2.2009 kl. 22:20]

Þetta var ansi ljúfur endir á þessum rússíbana í seinni hálfleik. Furðuleg liðsuppstilling hjá Rafa. Ég hélt að maður væri búinn að sjá þetta allt en hann toppaði þetta nú alveg kallinn.

[Björn Jóhann Björnsson, 8.2.2009 kl. 11:51]

Þeir fá vonandi spark í afturendann núna, með smá hjálp frá WHU í dag. Annars á maður ekki að kvarta undan tveimur sigurleikjum í deildinni í röð, tapið gegn Everton í bikarnum var bara svo fjári súrt og ósanngjarnt.

Arnar minn, veit sem er að þú hefur alltaf verið Púllari inn við beinið