Nú gátu þeir unnið...

Svona er fótboltinn óútreiknanlegur, maður gerir sér ferð til Liverpool að horfa á leik gegn Stoke, fyrirfram auðvelt og allt það. Útkoman 0-0 jafntefli. Viku síðar, útileikur gegn erkifjendunum Everton og 2-0 sigur. En sannarlega ánægjuleg úrslit og verst að hafa misst af leiknum, Laufskálarétt var tekin framyfir að þessu sinni. Þokkaleg býtti. Ánægjulegt ef Torres er að komast aftur í gang, þá verða okkur allir vegir færir. Nú er bara spurningin hve lengi við verðum taplausir, eigum við ekki bara að segja fram að jólum

Til að ylja manni við minninguna fylgir hér mynd úr því allra heilagasta í víginu á Anfield, útgangurinn út á völlinn úr búningsklefunum og skiltið "This is Anfield". Að sjálfsögðu var klappað á skiltið!

Torres skaut Liverpool á toppinn

Athugasemdir

[ÖSSI, 29.9.2008 kl. 10:49]

Já þetta voru svo sannarlega óvænt úrslit:)....En djöfull eru Hullararnir sterkir um þessar mundir...

[Björn Jóhann (IP-tala skráð) 29.9.2008 kl. 15:20]

æi Össi minn, leitt að heyra hvernig fór á móti Hull. Eru þetta ekki bara fisksalar og útgerðarmenn þarna í liðinu.....?

[ÖSSI, 29.9.2008 kl. 16:59]

Hull mjög vanmetið lið þetta eru víkingar með sjó í æðum enda unnu þeir besta liðið á englandi það gera nú ekki öll lið. Það má ekki vera vondur við nýliða í deildinni og mínir menn í Arsenal hafa oftar en ekki gefið þessum liðum smá forgjöf enda gæðablóð þar á ferðinni...