Hversu oft verður þetta ,,hjúkket" ?

Sem gegnheill Púllari til ríflegra þrjátíu ára veit maður varla hvort maður á að gráta eða gleðjast eftir svona leik. Auðvitað átti liðið að vera búið að afgreiða þennan leik fyrir framlengingu en Kátur bjargaði heiðri liðsins og allra sem að því standa. Það hefði verið stórskandall og nánast ófyrirgefanlegt ef liðið hefði ekki komist áfram í Meistaradeildinni. En maður hefur alltaf borið fyllstu virðingu fyrir Standard Liege, frá því að Ásgeir Sigurvinsson var þar kóngurinn, og þetta lið kom manni á óvart, það verður að segjast. Vonandi verða þeir Belgíumeistarar í vetur!

Rauði herinn sér manni fyrir spennuleikjum, það verður ekki tekið af honum, og eins gott að vera ekki kominn á tungurótartöflur, þá væri skammturinn fyrir veturinn löngu búinn - og ekki enn kominn september!

Kuyt bjargaði Liverpool á örlagastundu

Athugasemdir

[arnar valgeirsson, 27.8.2008 kl. 22:52]

held þú þurfir slatta bjór og slatta librium í vetur. þýðir ekki að æsa sig. þeir hala inn fimmtán stigum fyrir áramót.... viss um það.

[ÖSSI, 28.8.2008 kl. 07:42]

Mikið er gott að vera ekki púlari.....maður sparar helling á því....þessar sprengitöflur eru rándýrar...

[Björn Jóhann Björnsson, 28.8.2008 kl. 20:17]

Drengir mínir, verkjapillurnar eftir bakmeiðslin í sumarfríinu virka enn. Maður lifði af leikinn í gær, og alla hina háspennuleikina á undan sem Rauði herinn bauð upp á. Og Össi, okkar lið eiga sannarlega erfitt verkefni framundan í meistaradeildinni.