bjb - speki og spé

23.8.2008 | 18:32

Fökking önbilívebul II

Það gengur allt upp í boltanum hjá mínum liðum, ef undan eru skildir Stólarnir sem eru í fallhættu í 2. deild! Maður var tilbúinn með langa leiðindarullu um frammistöðu Liverpool á Anfield í dag, en þegar Carragher gamli jafnaði (líklegast sitt fyrsta á þessari öld) þá dró eitthvað úr barlóminum. Þegar svo Gerrard skoraði sigurmarkið á síðustu sekúndunum ætlaði allt um koll að keyra á heimilinu. Frábært mark og frábær þrjú stig. En torsótt voru þau maður, púff!

Okkar menn voru ekki alveg að gera sig fram að mörkunum, gegn sterku Boro-liði. Það virtist vera einhver landsleikjaþreyta í köppum á borð við Alonso, Gerrard, Bennajúnn og Babel. Robbie Keane er að koma til karlinn, já já. En mikið djöf... var þetta samt ánægjulegt í lokin, álíka magnað og sigurinn í handboltanum í gær. Veislan heldur áfram og svei mér ef við leggjum ekki Frakka á morgun. Hvernig sem fer erum við samt sigurvegarar á ÓL, stórasta land í heimi, besta litla þjóðin.

ps. Svo toppaði nú allt í dag að Arsenal var að tapa, fyrir Fulham. Hahahahahah.... Og kíkiði á stöðutöfluna, Liverpool trónir á toppnum. Já já

	Gerrard tryggði Liverpool sigur
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Breytt s.d. kl. 18:35 | Facebook

Athugasemdir

Það eru varla til betri dagar en þegar Liverpool vinnur og Arsenal tapar, mér verður alltaf hugsað til kálhausanna á Króknum sem halda að Arsenal geti eitthvað.

Rúnar Birgir Gíslason, 23.8.2008 kl. 21:15

Já, já, þið skuluð njóta þess að sjá Liverpool á toppnum, ég spái því að það verði kannski fram í næstu umferð, en alla vega ekki lengra en í þar næstu. Þá grunar mig að liðið fari nú að sækja kunnugri slóðir heim.

Já kálhausarnir við þeir ansi mörgu á Króknum sem höldum með Arsenal - takk fyrir það Rúnar, eigum við ekki bara að spyrja að leikslokum. Við byrjum á því að kaupa Alonso og þá smellur þetta er það ekki?

Annars detta mér nú alltaf í hug gullin orð Ladda í líki Bjarna Fel: Lífið-er-púl og það hafið þið nú sannarlega reynt í deildinni síðustu árin.

Karl Jónsson, 26.8.2008 kl. 08:05

Ég hef oft spurt að leikslokum og stundum notið þess, Liverpool hefur unnið hina og þessa titla undanfarin ár.

Hvenær fékk Arseanl síðast dollu?

Rúnar Birgir Gíslason, 26.8.2008 kl. 08:35

Hvaða, hvaða...........ég gæti þá allt eins spurt á móti, hvenær vann Liverpool ensku deildina síðast, eða bikarinn?

Karl Jónsson, 26.8.2008 kl. 09:35