Hver var á ljósunum?!

Okkar fólk stóð sig vel í kvöld, en er ekki frá því að þau hafi verið betri og mun öruggari á fimmtudagskvöldið. Það var líka einhver sem klikkaði á ljósunum þarna í lokin í kvöld, allt í einu voru þau Regína og Friðrik Ómar komin í skuggann, og verst að það brot var endurtekið í endusýningum meðan talningin stóð yfir. Ekki að þetta hafi skipt sköpum í þeirri pólitík og nágrannakærleik sem birtast jafnan í atkvæðagreiðslunni. Norðurlandaþjóðirnar engu betri, svona er þetta bara.

En maður var svosem ekki langt frá því í spánni, skeikaði tveimur sætum með Ísland, en hafði bara ekki hugmyndaafl til að ætla að Rússinn myndi vinna. Ekkert sérstakt lag. Var með Úkraínu og Armeníu ofarlega, annað klikkaði. Líklegast er maður einni rauðvínsflöskunni fátækari....!

Ísland endaði í 14. sæti

Athugasemdir

[Stefán Þór Steindórsson, 24.5.2008 kl. 23:25]

Það er ekki hægt að treysta á þessa raforku þarna í Serbiu... Hugsaðu bara hve vel keppnin væru  upplýst hér á íslandi