Frí frá enska boltanum

Jæja, þá er enski boltinn búinn og maður veit satt að segja ekki  hvað tekur við. EM í sumar og England ekki með. Undarlegur andskoti. Tímabil mikilla væntinga og vonbrigða er að baki hjá mínum mönnum í Liverpool. Engir titlar í húsi. Fátt til að gleðjast yfir nema markamaskínan Torres og snillingurinn Gerrard. Vonandi verða þeir áfram í okkar herbúðum, og svo virðist sem Benitez muni þjálfa áfram þó að maður hefði ekkert haft á móti skiptingu. Það er næsta víst að krafa um titil verður öskrandi hávær næsta vetur, og það er einnig næsta víst að nú verður stefnan tekin á Anfield. Kominn tími til að fara til Mekka, áður en maður fer á elliheimili eða að þeir rífi niður Anfield.

Hér til hliðar er komin ný könnun, um hverjir verða Íslandsmeistarar í knattspyrnu. Tippa á að þessi fjögur lið verði í toppbaráttunni, Skaginn gæti blandað sér þarna í hópinn en þeir komast ekki að hjá mér af persónulegum ástæðum. Í fyrri könnun varð endirinn sá að Man Utd var spáð Englandsmeistaratitli, sem varð raunin á síðustu stundu. Óþolandi að horfa upp á þetta lið vinna trekk í trekk, vonandi fer Ferguson að hætta og þá hrynur veldið...

Athugasemdir

[arnar valgeirsson, 12.5.2008 kl. 15:49]

vonandi hrynur veldið meðan hann er við stjórn. þoli ekki skumsarana.

jamm, en maður kíkir nú á moskvuleikinn, eða hvað?

vona bara að fram eða keflavík taki deildina, maður er orðinn þreyttur á fh og ekkert hlýtt til vals. nú svo hata allir kr sem ekki er í kr. og ég er ekki þar.

hef trú á todda...

ps: er að fara á aðalfund leeds og horfa á leikinn gegn  i umspili. ef þeir hefðu ekki misst fimmtán stig væru þeir uppi, með 91 stig í öðru sæti. sjitt hvað lífið er óréttlátt í boltanum maður.

hjá mér. þið gátuð bara ekkert...

[arnar valgeirsson, 12.5.2008 kl. 15:50]

gegn carlisle... ef það er skrifað svona.

[Björn Jóhann Björnsson, 12.5.2008 kl. 23:54]

Arnar minn, í hvaða deild er aftur Leeds ?!!

Sammála þér að Þorvaldur gæti gert góða hluti með Fram, hefði kannski átt að bæta Keflavik við í könnunina, þeir gætu þó sprungið á limminu á miðju sumri. Hitti einn leikmann í FH í gær, sem spáir fjörlegu sumri og jafnari keppni en oft áður. Með fjölgun í 12 lið er þó hætt við að bil myndist milli stóru og litlu liðanna.