Friðargæsla á stjórnarheimilinu?

Skyldi þessi hershöfðingi frá NATO hafa talað af fúlustu alvöru er hann lýsti yfir vonbrigðum með að Ísland ætlaði að kalla friðargæslulið sitt heim frá Írak? Þetta er einn aumingjans maður! Sennilega vildi hershöfðinginn ekki móðga þessa litlu eyþjóð norður í ballarhafi sem reynir að gera sig gildandi í alþjóðasamfélaginu.

Annars er þessi ákvörðun utanríkisráðherra dálítið sérkennileg og tæpast hægt að kalla táknræna, var ekki bara hægt að finna friðargæsluliðanum önnur verkefni sem voru ráðherra þóknanleg? Var ekki bílstjóradjobb á lausu? Eitthvað kostar það að fá blessaðan manninn heim. Skil vel undrun forsætisráðherrans, það skyldi þó ekki vera að ófriður magnaðist á stjórnarheimilinu, og verkefni gætu skapast fyrir friðargæsluliðann hér heima fyrir?!

Enn og aftur kom alþýðuskáldið upp í mér, þetta bara flæðir fram endalaust:

Mæla þau tungum tveim,

tæpast ég skil í þeim.

Úti er friður,

öryggisliður

einmanna sendur heim.

Geir: Hefði ekki kallað starfsmanninn heim

Athugasemdir

[Kristján Pétursson, 5.9.2007 kl. 23:16]

Ingibjörg var að aftengja Ísland frá Írakstríðinu með yfirlýsingu sinni.´Góður gjörningur hjá henni.

[Árni Gunnarsson, 6.9.2007 kl. 00:37]

Björn Jóhann, þú ert blátt áfram skyldugur til þess að nýta allan þinn frítíma í að setja saman vísur og blogga!

Að viðlagðri ábyrgð að lögum.

Bestu kveðjur!