Með tárvot augu

Þetta var aldrei spurning, okkar menn með algjöra yfirburði allan tímann og hvílík vinnsla í þeim félögum í framlínunni Crouch og Kuyt. (Hvort segir maður Kát, Kuít eða Kút...?) Gaman að sjá hve nýju mennirnir eru að koma vel út, ég segi enn og aftur að við eigum eftir að hirða margar dollur í vetur, sjáiði til. Leikurinn í kvöld sýndi líka vel hve leikmannahópurinn er breiður. Þarna vantaði kappa eins og Gerrard, Carragher, Torres, Alonso og Voronin.

Það var tekið hraustlega undir í stofunni fyrir og eftir leik og sungið með You'll never walk alone, og minningarstundin fyrir leik um unga strákinn frá Liverpool, og aðdáanda Everton, fékk mann til að vökna um augun. Hjartnæm stund og greinilega margir harðjaxlar í stúkunni sem brustu í grát, enda þetta morð ekkert annað en hryllingur.

Stórsigur hjá Liverpool

Athugasemdir

[Jón Agnar Ólason, 28.8.2007 kl. 23:16]

Rétt segirðu, kollegi; þetta var frábær leikur og ekki síst með tilliti til þeirra leikmanna sem ekki komu við sögu í kvöld. Hópurinn hefur ekki verið svona öflugur í háa herrans tíð.

Og í lokin; það er borið fram "kojt"

[Björn Jóhann (IP-tala skráð) 29.8.2007 kl. 20:35]

sælir kollegi sjálfur, var hreinlega búinn að gleyma að þú værir líka Púllari, þeim fjölgar stöðugt í Árvakurshöllinni. Við verðum margfaldir meistarar! Verst með þessa hollensku, maður þarf alltaf að hafa hrákadall við hliðina á sér...!

[Karl Jónsson, 30.8.2007 kl. 08:49]

Bjarni Fel segir "Kát" og ekki dettur mér í hug að rengja framburð nestors íslenskra knattspyrnulýsenda!!