Stolin hugmynd frá Dalvík?

Ágætis hugmynd hjá borginni að bjóða gestum Menningarnætur upp á vöfflur og með því í Þingholtunum. En er þetta ekki að grunni til stolin hugmynd? Mig minnir að Dalvíkingar hafi haft frumkvæði að því að bjóða gestum og gangandi upp á fiskisúpu í tengslum við Fiskidaginn mikla þar í bæ, ekki kom skipunin "að ofan" eins og frá Reykjavíkurborg.

Kannski er ég að tuða þar sem ég sé fram á að missa af Menningarnótt í ár, og þar með vöfflukaffinu, en borgin mætti nú sýna meiri frumleika en þetta. Dalvíkingar framkvæma kraftaverk á hverju ári, er þeir fá til sín tugþúsundir gesta á Fiskidaginn, sem er einmitt að bresta á um helgina.

Heimilisleg menningarhátíð

Athugasemdir

[Björn Jóhann Björnsson, 10.8.2007 kl. 11:49]

Ekki ber ég á móti aukinni flóru á menningarnótt, verst er að missa af henni í ár, ekki síst tónleikum á Miklatúni, en í fyrstu virkaði vöfflukaffið bara á mann eins og borgina langaði svolítið til að vera lítið þorp, sem er kannski bara allt í lagi, sem ég sem gamall sveitamaður! Þakka athsemdina Ingi. Kv bjb