Nú slapp Benitez fyrir horn

Magnaður sigur hjá okkar mönnum, klisjukennt að tala um að þeir hafi sýnt karakter, en þannig var það nú bara. Gerrard hysjaði upp um sig og sýndi og sannaði hvílíka yfirburði hann hefur á heimsvísu. Svo er ástæða til að gleðjast sérstaklega yfir komu Glen Johnson á Anfield, þetta er einhver sókndjarfasti bakvörður sem sést hefur í rauða búningnum lengi. Nýi Grikkinn er líka öflugur en hann átti þó sín mistök sem hefðu getað kostað mörk. Vonandi bara taugastress útaf fyrsta leik á Anfield. Þetta virðist vera mikill nagli og saman eru þeir ekki árennilegir, hann og Carragher.

En líklega er amk einn maður ákaflega glaður með stigin þrjú. Hefði Liverpool tapað þriðja leiknum í deildinni hefði sætið undir Benitez sjóðhitnað. Það var einhver taugaveiklunarbragur yfir leiknum, stutt í reiðina og pirringinn hjá Spánverjunum amk og Pepe Reyna ekki alveg eins og hann á að sér að vera.

Vonandi er Rauði herinn kominn á beinu brautina og mikið væri það yndislegt að Lucas Leiva yrði seldur sem allra fyrst. Maður er farinn að halda að hann sé launsonur Benitez og haldi sæti sínu í byrjunarliðinu af þeim sökum.....

Gerrard tryggði Liverpool sigur