Mestu vælukjóar allra tíma...

Þó að ekki séu þeir blóðskyldir þá dettur manni samt í hug orðatiltækið sjaldan fellur eplið langt frá eikinni. Ronaldo hefur tamið sér sama ósið og Ferguson að vera sífellt vælandi út í dómarana, að ógleymdum leikaraskapnum í Ronaldo sem fellur í gras við minnstu snertingu, emjar með tilþrifum og kveinar, sjálfsagt mest ef hárgreiðslan fer úr skorðun. Reyndar er brilljantínið svo mikið í hárinu að það þolir töluvert hnjask

Vælið hefur m.a gert það að verkum að ekki einn einasti dómari í deildinni þorir td að dæma víti á Man Utd á Old Trafford. Þannig er það nú bara... Þeir eru orðnir drulluhræddir við gamla Ferguson...

Ferguson: Ronaldo auðvelt skotmark dómara

Ekki búið fyrr en það er búið...

Það dugði að kyrja lagið góða fyrir þennan leik. YNWA. Þetta er ekkert búið fyrr en það er búið, svo mikið er víst.

Aldrei var spurning hvoru megin sigurinn lenti í þessum leik, mátti alveg enda 4-0 eins og maður hafði spáð fyrirfram, en verður að sætta sig við tvö. Nú er það bara seinni leikurinn gegn Real Madrid á Anfield þann tíunda. Góð hvíld framundan og vonandi verður Torres klár í slaginn.

 ps. vegna fjölda áskoranna aðdáenda síðunnar kemur hér slóð á flutning Gerry og Gangráðanna á laginu góða:

Benayoun: Mikill léttir

Þó steypist í gegn þér stormur og regn..

Um þennan leik í kvöld og stöðu minna manna í deildinni er bara eitt í stöðunni, að kyrja sönginn góða og láta ekki bugast þó á móti blási. Þetta er ekki búið fyrr en það er búið:

When you walk through a storm hold your head up high,
And don't be afraid of the dark.
At the end of a storm is a golden sky
And the sweet silver song of a lark.

Walk on through the wind,
Walk on through the rain,
Tho' your dreams be tossed and blown.
Walk on, walk on with hope in your heart,
And you'll never walk alone,
You'll never walk alone!

Til upprifjunar er þetta á íslensku einhvern veginn svona, ef menn vilja vera þjóðlegir, þessi þýðing ku vera eftir Þorstein Valdimarsson, og m.a. sungin af vini mínum Óskari í Álftagerði:

http://www.tonlist.is/Music/Album/4507/oskar_petursson/aldrei_einn_a_ferd/#0

Meðan veðrið er stætt berðu höfuðið hátt
og hræðstu eigi skugga á leið.
Bak við dimmasta él glitrar lævirkjans ljóð
upp við ljóshvolfin björt og heið
þó steypist í gegn þér stormur og regn
og þó byrðin sé þung sem þú berð
þá stattu fast og vit fyrir víst
þú er aldrei einn á ferð.

 

Gerrard klár en Torres enn á sjúkralistanum

Með Gerrard á bekknum og Torres á annarri löppinni... já já

Já, já, þegar mikið liggur við eru mínir menn bestir, og Benitez klókur. Flott mark hjá Jússa, hann er seigur þegar á reynir. Mikið þarf að klúðrast á Anfield til að við komumst ekki áfram í 8-liða úrslitin. Og við með fleiri Spánverja í byrjunarliðinu en Real Madrid. Fyndið. Þegar á heildina er litið var þetta sanngjarn sigur, hinir rauðklæddu stjórnuðu leiknum lengst af - ef frá er talinn fyrsti stundarfjórðungurinn. Þá hefði Raúl blessaður alveg getað sett inn eitt mark. En til allrar hamingju gerði hann það ekki.

Hinum megin hefði Torres alveg getað potað tuðrunni inn skömmu síðar. Verra að drengurinn skyldi meiðast og lengstum spilaði hann á annarri löppinni. Í því ljósi, og að Gerrard sat á bekknum í 85 mínútur, er sigurinn enn sætari og merkilegri. Liðsheildin var frábær, allir voru með fulla meðvitund og á tánum allan tímann, kannski ef frá er talinn Rieira. Svo náði Babel blessaður ekki að sýna mikið.

Meistaradeildin er okkar deild, svo mikið er víst.

Liverpool skellti Real Madrid - Naumur sigur Chelsea gegn Juventus

Draumurinn að fjara út...

Jæja, þá kom enn eitt jafnteflið. Ekki rættist draumurinn frá í nótt (sjá hér að neðan) og stóri titildraumurinn er svo gott sem úti. Sjö stig í Man Utd er heldur stórt bil - þó allt geti þó gerst. Þá þurfa heilladísir að snúast okkur í vil.

Þakka ber Káti fyrir hans frammistöðu í dag, hann gefst aldrei upp og Torres var óheppinn að fá ekki meira út úr þessum leik. Gerrard og Alonso var sárlega saknað á miðjunni, þar var ekkert að gerast og sóknirnar lengstum byggðar upp af öftustu mönnum. Innáskiptingar Benitez virkuðu ekki, hvorki El Zahr eða Babel komust í gang, og síðan er með ólíkindum, algjörlega hreinum ólíkindum, hvernig Lucas Leiva hangir inná alltaf hreint. Sá drengur kæmist varla í íslenska landsliðið, með fullri virðingu fyrir því. Hafi einhver séð td sendingu hjá honum heppnast í dag, þá vinsamlegast gefi sá hinn sami sig fram...

Nú er bara að herða sig upp fyrir leikinn gegn Real Madrid, kannski en enn von um Evróputitil, hver veit. YNWA!

Enn eitt jafnteflið hjá Liverpool á Anfield Road

Mig dreymdi draum...

Var harður á því fyrir þennan leik að Torres myndi gera þrennu, en mér sýnist á fyrri hálfleiknum að það gangi ekki eftir. Algjörir klaufar þó að vera ekki komnir með 2-3 mörk, City hefði að vísu geta hæglega skorað eitt en Írland skaut sem betur fer beint á Reina.

En draumurinn í nótt var þess eðlis að gamla góða Tindastólsmerkið bar fyrir augu, mitt í einhverjum óræðum fagnaðarlátum. Fyrir þá sem ekki vita er merkið eins og öfugur þríhyrningur með T-ið áberandi. Ég gat varla ráðið þennan draum öðruvísi en að Torres myndi skora 3 mörk, ekki er það útaf velgengni Tindastóls þessa dagana :-)

En allur seinni hálfleikur er eftir og allt getur gerst...

Nær Liverpool að minnka forskotið?

Tók sig upp gamalt fagn...

Maður var nú varla búinn að jafna sig eftir tapið gegn Everton í bikarnum þegar leikur okkar manna hófst í Hafnarmynni síðdegis. Ekki skánaði það þegar heimamenn komust yfir óverðskuldað í seinni hálfleik. Þá fór vélin loksins í gang og liðið sýndi hvað það getur þegar á reynir, og það án Geirharðs. Hef sjaldan blótað Hemma Hreiðars í sand og öskur en það gerðist er hann kom sínum mönnum yfir. Við áttum þá eitt tromp í hendi sem var Torres.

Kæmi ekki á óvart þótt jarðskjálftamælar hafi kippst við hér í Hlíðunum þegar sigurmarkið kom. Maður gekk af göflunum. Nú er það toppurinn aftur og mér segir svo hugur að Man Utd tapi stigum á morgun!

YNWA...

Liverpool á toppinn eftir magnaðan sigur

Vonandi fór ekki fleira en nýrnasteinarnir...

Mikið lifandis skelfing eru þessi jafntefli orðin þreytandi. Ansi hræddur um að möguleikar á titli fjari endanlega út, haldi Liverpool áfram að tapa stigum gegn litlu liðunum. Veit varla hvað Benitez var að hugsa í kvöld að taka út tvo bestu mennina, Torres og Gerrard, ekki nema að hann ætli að hvíla þá fyrir stórleikinn gegn Chelsea. Það hefur lítið upp á sig að hvíla menn ef þeir geta ekki drullast til að hala inn þrjú stig gegn minni spámönnum.

Svo er Keane settur inná alltof seint, þegar skaðinn var skeður. Nær hefði verið að kippa Leiva útaf í refsiskyni fyrir fáránlegt brot inni í teignum. Er nema von að maður verði pirraður, nóg er að fá yfir sig vinstristjórn að Rauði herinn þurfi ekki að hrynja líka...

Þó ljótt sé að segja það, þá óttast maður að eitthvað meira en nýrnasteinar hafi verið teknir úr Benitez þarna um daginn.... Amk eru taugarnar eitthvað að bresta.

Wigan og Liverpool skildu jöfn - Van Persie kom Arsenal til bjargar

Helv.... fokking fokk....

Ekki alltaf jólin, en að gera aftur jafntefli við Pottarana er gjörsamlega óviðunandi. Sá markalausa jafnteflið á Anfield í haust og það var nógu fúlt, svo maður þurfti nú ekki að upplifa ósköpin aftur heima í stofu. Fjögur stig í súginn gegn einu af botnliðunum, mínir menn verða að gera betur. Það er bara þannig, ekkert helv... fokking fokk

Leikurinn í dag færði manni enn einu sinni þá sönnun að við erum með amk tvo veika hlekki sem fá hvert tækifærið á öðru til að sanna sig, en gera það ekki. Þarna á ég við þá Leiva og Bennajúnn. Hef aldrei fílað þá félaga, sorrí. Vonandi fer Benitez að koma niður á hliðarlínuna og koma skikki á liðið, það er ekki nóg að hanga í símanum uppi í stúku endalaust...

Markalaust hjá Stoke og Liverpool

Megi árið 2009 vera ár upprisu...

Óska landsmönnum, vinum og ættingjum, Púllurum og öllum öðrum árs og friðar. Megi árið 2009 vera ár upprisunnar og almennra þjóðþrifa. Árið 2008 er að klárast og við skulum læra af reynslunni, öll sem eitt, frá toppi til táar. Hugsum um það sem næst okkur stendur og gleymum munaðinum.