Þingmaður þungur á brá...

Athyglisvert skjal sem Bjarni hefur grafið þarna upp, og kallar á einhver svör í þessari makalausu endaleysu kringum þennan ryðdall. Ekki síður athyglisvert var að sjá útganginn á þingmanninum í sjónvarpsfréttum, og engu líkara en hann hafi verið á gangi í miðbæ Reykjavíkur og fengið einn á trantinn. Þá datt manni í hug:

Þingmaður þungur á brá,

þekktari fyrir að spauga.

Barinn og bólginn að sjá,

Bjarni með glóðarauga....

 

 

Yfirdráttur vegna Grímseyjarferju

Athugasemdir

[Bjarni Harðarson, 3.9.2007 kl. 00:08]

sæll og þakka vísuna. það rétta er að ég lenti í slysi á mótorhjólinu mínu snemma í sumar og var þá bróderaður í andlitinu með einum 20 sporum,- þetta er nú eiginlega ekki neitt núna miðað við það sem var fyrr í sumar.

[Björn Jóhann (IP-tala skráð) 3.9.2007 kl. 08:39]

Leitt að heyra með slysið en gott að vita að þú sért að ná fyrri styrk og útliti. Atgangurinn í miðbænum er slíkur að manni dettur fátt annað í hug er maður sér menn krambúleraða í framan. Hið óbundna mál spratt bara svona fram...

[Bjarni Harðarson, 3.9.2007 kl. 08:49]

ég vona að þér sé ekki á móti skapi að ég birti vísuna á mínum vef, - hún er bara laglega gerð!

[Björn Jóhann (IP-tala skráð) 3.9.2007 kl. 09:13]

ger svo vel