Eitthvað stórt í vændum?

Síðustu leikir minna manna benda til að eitthvað stórt geti verið í aðsigi, maður hefur verið orðljótur og óþolinmóður í vetur, en þegar meira að segja Kátur hinn hollenski er farinn að skora og leggja upp mörk, þá er eitthvað að gerast. Og spænski sparkarinn Torres sjóðheitur. Þrír sigurleikir í röð í ensku deildinni lítur út fyrir að vera vísbending um að Benitez sé að finna fjöl sína á þeim vettvangi. Kominn tími til. Leikurinn við Bolton var skyldusigur, frábær á Middlesboro og tiltölulega létt í kvöld gegn West Ham, "Íslendingaliðið" sá aldrei til sólar.

Næst er það bara Newcastle og svo Inter Milan í Meistaradeildinni. Ekki verðum við Englandsmeistarar en mig dreymdi draum um Evrópumeistaratitilinn, staddur í Moskvuborg með bikar í annarri hendi og bjórkönnu í hinni....

Torres með þrennu gegn West Ham

Athugasemdir

[Norðanmaður, 5.3.2008 kl. 23:46]

Góður draumur:-)

Kveðja frá fv. skólafélaga frá Sigló

[arnar valgeirsson, 6.3.2008 kl. 09:35]

alveg átti maður von á að ritstíflan losnaði þegar rauðu kvikindin færu að skora.

þið takið inter enda alltaf jafn heppnir í evrópukeppninni. en newcastle nær loksins langþráðum sigri.....

[Björn Jóhann Björnsson, 8.3.2008 kl. 19:33]

Jæja, Arnar minn! Newcastle hvað?! 3-0, aldrei spurning. Og nú ágæti Norðanmaður, ekki veit ég hver þú ert og ætlirðu að gerast bloggvinur verðurðu að afhjúpa þig undir fullu nafni!