Dapurt á leikvelli dauðans

Okkar menn eru ekki að meika það þessa dagana, og sennilega er Finninn fljúgandi að koma inn til lendingar, allt að því brotlendingar. Reyndar afskaplega óheppinn í kvöld kallinn að fá boltann í sig í sjálfsmarkinu, en svo missti hann Brassann inn fyrir sig í seinna markinu.

Annars er ekkert lið öfundsvert að því að spila á heimavelli Besiktas, þetta er leikvöllur dauðans þar sem öskrandi lýðurinn kallar á blóð, enda eru nýir leikmenn þarna vígðir inn með blóði dýra sem fórnað er á altari trúarofstækis. Það fékk Jolli að reyna um árið, og hefur víst aldrei upplifað annað eins á sínum ferli.

Síðan setur maður stórt spurningamerki við taktík Benitez í innáskiptingum og liðsskipan. Hann var alltof seinn að setja Crouch inná í kvöld, Kuyt var ekki að gera sig og Voronin ekki heldur. Vonandi fer Torres að koma inn í liðið. Með smá heppni hefðu þessu úrslit í kvöld geta verið öðruvísi, Gerrard með nokkra góða sénsa, en svona er blessaður boltinn. Það eru ekki alltaf jólin og nú er bara að einbeita sér að deildinni á Englandi, líklegast eru vonir um að komast áfram í Meistaradeildinni orðnar að engu.

Þetta er sárt, og tekur í, en þú ert aldrei einn á ferð...

Liverpool lá í Istanbul

Athugasemdir

[arnar valgeirsson, 24.10.2007 kl. 23:47]

var þetta ekki bara viðbúið... en sá samt á mblpunkturis, sem er nýja testamentið þitt, að gerrard er sko ekki búinn að gefast upp. ætlar að vinna rest.

það er sosum alveg séns því þetta er svo jafnt. miði er möguleiki.

[Maran (IP-tala skráð) 6.11.2007 kl. 16:54]

Þetta kemur í kvöld félagi, þetta kemur í kvöld...