Einhver sá magnaðist lengi...

Þvílíkur leikur! Ekki þorði maður að spá 4-0 fyrir leik, hefði alveg verið sáttur við svona 1-0 eða 2-0. Þetta er eitthvað það besta sem maður hefur séð til liðsins lengi, grimmir eins og ljón allan tímann og Madridingar sáu aldrei til sólar. Að geta leyft sér að taka bestu mennina útaf þegar 20-30 mín eru eftir, og senda óharðnaða unglinga inná, segir allt um þennan leik. Gerrard sýndi og sannaði að hann er í algjörum heimsklassa og Torres tók landa sína í nefið. Skiptir engu þó einhverjir dómar voru vafasamir, það var aldrei spurning hvort liðið myndi sigra í kvöld, alveg frá fyrstu mínútu. Hefði getað verið 2-0 eftir fimm mínútur.

Þetta var orðið svo magnað á tímabili að það runnu gleðitár á hvarmi, svei mér þá, og YNWA-söngurinn hefur ekki ómað svo sterkt á Anfield lengi lengi. Nú gengur maður aldeilis sæll til náða...

Liverpool burstaði Real Madrid 4:0

Athugasemdir

[arnar valgeirsson, 11.3.2009 kl. 20:01]

iss fyrir leikinn hefðirðu sko verið sáttur við 0-0. en ég sá ekki leikinn en las að poolararnir hefðu verið frábærir og til hamingju með það.

getur haldið áfram að syngja YMCA..