Þetta var nú ljóti grísinn...

Sannarlega rétt hjá Rauðhnappi að þeir voru heppnir, hundaheppnir. Vorum miklu betri þar til í lokin. Óþolandi að fá á sig mark á 90 mínútu en það svo sem hlaut að koma að því að mínir menn myndu tapa í deildinni, hún er of sterk til að halda úti heilt tímabil án taps. Hins vegar fúlt að tapa fyrir botnliðinu og maður verður að éta ofan í sig gorgeirinn fyrir þennan leik. Liverpool átti að sigra, miðað við öll færin en sjaldgæf mistök Carraghers og sofandaháttur í vörninni á síðustu metrunum kostuðu okkur stigin þrjú, því er nú ver og miður. Samt ljóti grísinn hjá spörfuglunum.

Næst er það stórleikur í meistaradeildinni á þriðjudag og mikilvægt að klára þann riðil. Segi ekki meira.

 

Redknapp: Heppnir en sýndum styrk

Athugasemdir

[Brattur, 2.11.2008 kl. 12:34]

Já, þetta hleypir meiri spennu í deildina... mínir menn, United farnir að narta í hælana í Liverpool og Chelsea... væri gaman ef þetta yrði einvígi milli Liverpool og Manchester... er það ekki?

[arnar valgeirsson, 2.11.2008 kl. 18:12]

það verður einvígi milli lundúnarliðanna, tottenham, arsenal og chelsea.

[ÖSSI, 3.11.2008 kl. 12:45]

Þetta voru ekki óvænt úrslit...Þeir sem ná jafntefli við Arsenal á útivelli eiga að vinna Liverpool.......það held ég nú....

[Björn Jóhann (IP-tala skráð) 3.11.2008 kl. 20:58]

Drengir, það getur enginn haldið því fram að úrslitin hafi verið verðskulduð, að vinna leik á sjálfsmarki mótherjans og marki á 91. mínútu er ekkert annað en hundaheppni. En eins og staðan er núna verður þessi vetur keppni hinna fjóru stóru, Liverpool, Man Utd, Chelsea og Arsenal. Aðrir munu heltast úr lestinni.

[Brattur, 3.11.2008 kl. 21:05]

... held að United muni ná toppsætinu fyrir jól og leiða mótið fram á vor... annars verður spurningunni úr hverju mínir menn eru gerðir svarað um helgina þegar við mætum Arsenal á útivelli um næstu helgi...