Gjörsamlega óviðunandi

Nú held ég að við Púllarar séum að missa alla þolinmæði. Árangurinn undanfarið er gjörsamlega óviðunandi, fimmta jafnteflið í röð, og litlu mátti muna að illa færi í kvöld. Vinur minn Crouch kom okkur til bjargar, á þessum versta degi ársins, og kaldhæðni örlaganna að hann kom Benitez líka til bjargar, manninum sem því miður hefur ekki treyst Crouch til þess að vera í byrjunarliðinu. Hollenski hundurinn Kátur lafir alltaf inná, hleypur lafmóður um víðan völl og loks þegar hann kemst í færi þá fer hann á taugum. Stór orð um áreiðanlega hinn vænsta pilt, en Liverpool hefur í þessari stöðu ekki ráð á annars flokks framherja. Það mátti greina mikla reiði á svip stuðningsmanna liðsins á Anfield í kvöld og skal ekki undra, ýmis skilaboð til bandarísku eigendanna voru einnig áletruð á spjöld og fána.

Undiraldan á Anfield er greinileg og mér segir svo hugur að stóllinn hjá Rafa Benitez sé orðinn sjóðheitur

Jafntefli hjá Liverpool og Aston Villa

Athugasemdir

[arnar valgeirsson, 21.1.2008 kl. 23:10]

ekki svona sár kallinn minn. villa er með hörkulið...

hinsvegar eru ekki öll dýrin í liverpoolskóginum vinir þessa dagana og það kann jú ekki góðri lukku að stýra. neibbs, aldeilis ekki.

[Karl Jónsson, 22.1.2008 kl. 15:10]

Þið Liverpool-menn eigið samúð mína alla þessa dagana!!

[Sigþór Óskarsson (IP-tala skráð) 23.1.2008 kl. 00:13]

Karlinn hefur nú ekki svakalega mikinn vinnufrið þessa dagana, það verður að viðurkennast...

[Helgi Mar (IP-tala skráð) 30.1.2008 kl. 15:44]

Það hefur reyndar verið erfitt að vera Púlari í hálfan annan áratug... drulluerfitt.