Kaupir Stöð 2 útsendingarréttinn?!

Eins og það var nú gott framtak að bjarga Fischer úr prísundinni í Japan, þá var ýmislegt prjál og tilstand kringum þá aðgerð sem Bobby karlinn hefur tæpast verið par hrifin af, eins og vera flogið til Íslands í einkaþotu, fá fyrsta handtakið á íslenskri grund frá fréttamanni Stöðvar 2 og vera svo ekið burtu í flottræfilsjeppa sjónvarpsstjórans. Að ætla sér að jarða karlinn á Þingvöllum er svo galin hugmynd að engu tali tekur. Halda menn virkilega að það hefði verið ósk Fischers? Hvað segja nánustu ættingjar hans og unnusta? Á kannski að semja við Stöð 2 um útsendingarrétt frá athöfninni?

Menn eru alveg búnir að tapa sér, því miður. Það er hægt að sýna minningu þessa skáksnillings virðingu og sóma á margan annan máta en þann að jarðsetja hann á Þingvöllum við hlið Jónasar Hallgrímssonar og Einars Benediktssonar. Hvað á svo að gera þegar okkar heimsþekktustu einstaklingar falla frá? Gera Þingvelli að einhvers konar Hall of fame?! Jónas, Einar, Fischer, Björk, Eiður Smári og Kiddi Jó.


mbl.is Fischer grafinn á Þingvöllum?
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Rúnar Birgir Gíslason

Alveg er ég hjartanlega sammála þér Björn.

Ég var einmitt í morgun að hugsa, hvað gerði þessi maður merkilegt sem Íslendingur?

Annars finnst mér nú að Óskar Pé ætti að vera þarna frekar en Kiddi Jó ;) Raunar allur Heimir.

Rúnar Birgir Gíslason, 20.1.2008 kl. 12:59

2 Smámynd: Sigurður Hreiðar

Öldungis sammála þér, Björn Jóhann! Það væri fast að því móðgun við þá Einar Ben og Jónas að fara að grafa þennan mannvesaling í heiðursreitnum á Þingvöllum! Þó svo hann hafi kunnað mannganginn.

Hvernig væri að brenna líkið og sáldra öskunni yfir útitaflið við Lækjargötu? Eða á einhvern annan viðeigandi stað? T.d. fornbókasölu?

Það var vel gert hjá Íslendingum að losa hann út tugthúsi í Japan. Látum okkur duga það.

Sigurður Hreiðar, 20.1.2008 kl. 13:07

3 Smámynd: Björn Jóhann Björnsson

Mér sýnist, drengir, að miðað við fyrstu viðbrögð stjórnmálamanna (svo ekki sé talað um netheima) þá verði þessi hugmynd kæfð í fæðingu. Það hefur reyndar enginn pólitíkus þorað að segja það berum orðum ennþá, en formaður Þingvallanefndar á áreiðanlega eftir að segja sitt álit. Mér líst vel á hugmyndir um veglegan minnisvarða við Laugardalshöll, og láta svo dreifa ösku hans yfir hálendi Íslands.

Björn Jóhann Björnsson, 20.1.2008 kl. 14:49

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Björn Jóhann Björnsson
Björn Jóhann Björnsson

Höfundur er kotroskinn og kærulaus Króksari að uppruna.

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 0
  • Sl. sólarhring:
  • Sl. viku: 129
  • Frá upphafi: 0

Annað

  • Innlit í dag: 0
  • Innlit sl. viku: 129
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Nýjustu myndböndin

Fögnuður úr böndum

Innskráning

Ath. Vinsamlegast kveikið á Javascript til að hefja innskráningu.

Hafðu samband