Krókurinn verði byggður upp

Hörmulegar fréttir af brunanum á Kaffi Krók og snertir alla Króksara, heimamenn sem burtflutta. Hugurinn er hjá Jóni Dan og Öldu, og áreiðanlega líka erfitt fyrir fyrri eigendur eins og Ómar Braga og Maríu Björk, sem opnuðu fyrst Kaffi Krók, að upplifa þetta. Um leið fylgja baráttukveðjur og hvatning um að byggja staðinn upp að nýju, Skagfirðingar eru ekki þekktir fyrir að gefast upp þótt á móti blási. Enda heyrðist mér á Jóni í kvöldfréttunum að það væri ekkert annað að gera en að byggja upp, Krókurinn má ekki við því að Jón yfirgefi staðinn, meistarakokkur á ferð, drengur góður og mætur Púllari !

Upp koma margar góðar minningar um þetta sögufræga hús, þær fyrstu frá því að Kaupfélagið rak þarna verslun og síðar þegar maður sótti sér skemmtun og góðar veitingar í mat og drykk. Húsið hafði það sterka ásýnd í gamla miðbænum að til að fylla upp í sárið verður hreinlega að byggja það upp að nýju, í sem upprunalegustu mynd.

Stórbruni á Sauðárkróki í nótt

Athugasemdir

[Ragnar Bjarnason, 18.1.2008 kl. 21:34]

Þungar fréttir já, þarna keypti ég mína fyrstu veiðistöng í gamla. Held að það ætti já huga að enduruppbyggingu þessa húss ef nokkur möguleiki er.

[Björn Jóhann Björnsson, 19.1.2008 kl. 17:24]

Það kenndi margra grasa í Byggó, en vek athygli á góðum pistli Kristján Bjarka, míns gamla bekkjarbróður og félaga, þar sem hann hvetur Skagfirðinga til að huga vel að örlögum og útliti gamla bæjarins.

http://kristjanb.blog.is/blog/kristjanb/entry/418451/