Færsluflokkur: Bloggar

Trúin flytur fjöll...

Þessi leikur reyndi á þolrifin í klukkustund eða svo. Loksins snerist svo lukkuhjólið okkur í hag og kærkomin þrjú stig í höfn. Þetta var "skyldusigur" ogFyrirliðinn fór fyrir sínum mönnum nú er ekkert annað í boði en að taka einn leik í einu. Næst er það Villa í Birmingham í síðasta leik ársins. Þrjú stig þar og topp-4 nálgast á ný. Maður biður ekki um meira en að komast í meistaradeildina að ári. Hófstilltar væntingar miðað við það sem á undan hefur gengið í vetur. Minnir þó að eftir sé ein bikardolla á Bretlandseyjum í boði:-)

Einhver taugaveiklunarsvipur er þó kominn á Benitez, kannski ekki furða, og á andlitum Púllara á pöllunum mátti eðlilega sjá áhyggjusvip framan af. Vonandi lyftir þessi sigur í dag mönnum upp úr volæðinu. Trúin flytur fjöll, sagði einhver staðar, og væri óskandi að fyrirliðinn hysji nú upp sig buxurnar í næstu leikjum. Maður kannaðist við þann gamla í skallamarkinu. Þetta er alls ekki búið, bara hálfnað...


mbl.is Gerrard: Höfðum trú á sjálfum okkur
Tilkynna um óviðeigandi tengingu við frétt

Kærkomin tilbreyting

Þökk sé himnaföður fyrir heppnissigur svona í byrjun aðventu ... Kominn tími á að lukkudísirnar varpi sprotum sínum yfir Rauða herinn og það gerðist á Goodison Park. Erfitt að skilja hvernig þeim bláklæddu tókst ekki að skora en sem betur fer var Reina í stuði. Vörnin átti sína takta en hefur verið traustari.

Gamli góði karakterinn var ekki langt undan og við hæfi að vinnuþjarkurinn Kuyt innsiglaði heppnissigurinn. Gerard átti sinn þátt í því en sást varla að öðru leyti. Hann er ekki svipur hjá sjón þessa dagana og á nokkuð í land með að ná sínu fyrra formi. Vonandi að Torres fari að skila sér, og þá fer þetta nú eitthvað að ganga. Miðað við hamaganginn í dag er gott að enginn meiddist, nógu langur er nú sjúkralistinn. Alltaf verið grófir þeir bláklæddu og hinn hárprúði Fellini ekki barnanna bestur.

Það er enn von í efstu sætin. Þó að alltaf sé vont að sjá Chelsea vinna og montgerpið Drogba að skora, þá var skömminni skárra að Arsenal tapaði stigum í dag. Fyrsta markmið Liverpool er að ná 3. sætinu áður en ofar verður klifrað. Fullt af stigum eftir í pottinum enn.

Svo er það bara UEFA-bikarinn í vor... :-)  já, já seisei....


mbl.is Liverpool vann borgarslaginn
Tilkynna um óviðeigandi tengingu við frétt

Gjörsamlega óviðunandi...

"Fari svo illa að við töpum fyrir Man Utd um næstu helgi, þá munu 10 stig skilja liðin að. Það er alltof mikill munur eftir tíu umferðir, og krafan verður háværari um að Benitez stigi til hliðar. Þolinmæði Púllara er að þrjóta, staðan í dag er óviðunandi. Og ekki mun staðan batna á morgun ef leikurinn gegn Lyon tapast í meistaradeildinni."

Ætla ekki að vera endanlega leiðinlegur en þessi sólarhringsgömlu skrif reynast því miður enn í góðu gildi. Úrslitin í kvöld voru gríðarleg vonbrigði, það stefndi þó í jafntefli, fjárinn hafi það. Þetta er orðið með öllu óviðunandi. Stend við það sem ég sagði í gær, að tími væri kominn á breytingar á Anfield. Það er að koma í bakið á Benitez að hafa ekki styrkt hópinn betur í sumar, það eru sem fyrr alltof margir miðlungsmenn þarna í hópnum og þaðan af verri.

Algjört dómgreindarleysi að mínu mati að taka Bennajúnn útaf á ögurstundu í leiknum, hann var einn af fáum leikmönnum sem eitthvað gátu þó í kvöld. Inná kom líklega einn slakasti maðurinn hjá Liverpool í dag, Voronin, og sendingar hans og önnur frammistaða hans í kvöld sannaði það.

Gerrard og Torres meiddir og Callagher svipur hjá sjón. Ekki gæfulegt. Það þurfa að koma inn nýir eigendur með eitthvað af aurum til að kaupa menn, skipta um leið um þjálfara. Benitez búinn að fá sinn tíma.


mbl.is Fjórða tap Liverpool í röð - Jafntefli hjá Arsenal
Tilkynna um óviðeigandi tengingu við frétt

Er mönnum skítsama um stigin?

Dagar Benitez senn taldir?Það er nú minnsta mögulega refsing fyrir þetta klúður dómarans á laugardaginn að færa hann niður um deild. Hefði nú átt að taka af honum dómaraleyfið í knattspyrnu og breyta því yfir í sundknattleik.

Annars mættu fleiri fara að taka pokann sinn. Það er með miklum ólíkindum að Liverpool-menn skuli ekki berjast fyrir því að úrslit þessa leiks verði ógild og leikurinn spilaður á ný. Er mönnum skítsama um þessi þrjú stig sem fóru forgörðum gegn Sunderland? Þetta fer álíka mikið í taugarnar á manni, og þegar Benitez fagnar ekki marki, sem er ekkert annað en óvirðing við knattspyrnuna.

Byrjunin á tímabilinu er óviðunandi og sýnir að ekki hefur tekist að fylla í skörð þeirra leikmanna sem fóru, ekki síst Alonso. Vissulega voru Gerrard og Torres fjarri góðu gamni á laugardaginn en það á ekki að afsaka þetta afhroð. Afraksturinn til þessa eru 15 stig og fjórir tapleikir, jafnmargir og hjá Fulham!

Fari svo illa að við töpum fyrir Man Utd um næstu helgi, þá munu 10 stig skilja liðin að. Það er alltof mikill munur eftir tíu umferðir, og krafan verður háværari um að Benitez stigi til hliðar. Þolinmæði Púllara er að þrjóta, staðan í dag er óviðunandi. Og ekki mun staðan batna á morgun ef leikurinn gegn Lyon tapast í meistaradeildinni.

Tími er kominn á breytingar á Anfield, svo einfalt er það.

 

 


mbl.is Dómaranum sem dæmdi strandboltamarkið gilt refsað
Tilkynna um óviðeigandi tengingu við frétt

Hverju orði sannara, en .....

Carragher að fatast flugið?!Frábær útisigur hjá okkar mönnum í dag, en þeir þurftu að hafa fyrir honum. Vissulega gott að vera kominn við toppinn en þessir tapleikir í byrjun gætu átt eftir að reynast dýrir síðar.

Torres er búinn að finna fjölina á ný og Gerrard að hrökkva í gírinn. Það er bara eitt sem maður hefur áhyggjur af, en það er ekkert smá atriði; þ.e. vörnin og markvörðurinn ágæti, Pepe Reina, eða Pepperoni eins og dóttir mín orðar það. Til þessa hefur maður ekki þurft að hafa áhyggjur af þessum hluta liðsins en ef frá er talinn hinn sókndjarfi Glen Johnson, þá er vörnin að hiksta einum of oft. Dekkningar inni í teig eru ekki nógu góðar og liðið að fá á sig of mörg mörk úr föstum leikatriðum eins og hornspyrnum og aukaspyrnum. Carragher er ekki svipur hjá sjón, virkaði óöruggur oft á tíðum í dagog við vorum stálheppnir að West Ham skoraði ekki fyrsta markið eftir sjaldséð mistök hjá Carragher á fyrstu mínútunum.

Reina er sprækur sem áður en þó einhver kæruleysisbragur yfir karlinum og einbeitingarleysi sem maður hefur ekki séð áður. Vonandi fara allir þessir hlutir að lagast, en nú gerir maður bara þær kröfur að liðið taki dollu í vetur, þó ekki væri nema ein.....


mbl.is Benítez: Torres verður betri og betri
Tilkynna um óviðeigandi tengingu við frétt

Nú slapp Benitez fyrir horn

Magnaður sigur hjá okkar mönnum, klisjukennt að tala um að þeir hafi sýnt karakter, en þannig var það nú bara. Gerrard hysjaði upp um sig og sýndi og sannaði hvílíka yfirburði hann hefur á heimsvísu. Svo er ástæða til að gleðjast sérstaklega yfir komu Glen Johnson á Anfield, þetta er einhver sókndjarfasti bakvörður sem sést hefur í rauða búningnum lengi. Nýi Grikkinn er líka öflugur en hann átti þó sín mistök sem hefðu getað kostað mörk. Vonandi bara taugastress útaf fyrsta leik á Anfield. Þetta virðist vera mikill nagli og saman eru þeir ekki árennilegir, hann og Carragher.

En líklega er amk einn maður ákaflega glaður með stigin þrjú. Hefði Liverpool tapað þriðja leiknum í deildinni hefði sætið undir Benitez sjóðhitnað. Það var einhver taugaveiklunarbragur yfir leiknum, stutt í reiðina oBenitez gæti orðið valtur í sessi.g pirringinn hjá Spánverjunum amk og Pepe Reyna ekki alveg eins og hann á að sér að vera.

Vonandi er Rauði herinn kominn á beinu brautina og mikið væri það yndislegt að Lucas Leiva yrði seldur sem allra fyrst. Maður er farinn að halda að hann sé launsonur Benitez og haldi sæti sínu í byrjunarliðinu af þeim sökum.....


mbl.is Gerrard tryggði Liverpool sigur
Tilkynna um óviðeigandi tengingu við frétt

Ég hefði getað lánað smá...

Ekki beint uppörvandi svona á miðju sumri að heyra af 60 milljarða króna skuld hjá uppáhaldsliði sínu, maður hefði kannski getað lánað smá. Borgað vikulaun sóparans eða svo!

Grínlaust þá er hætt við að stóru klúbbarnir verði fyrir barðinu á heimskreppunni næstu tímabil, og ekki að undra að þau leggi í víking til Asíu og Bandaríkjana með von um fleiri áhangendur og meiri tekjur. Kreppan hlýtur að fara að hafa einhver áhrif á aðsókn á vellina í Bretlandi og einnig hætt við að sjónvarpstekjur dragist saman.

Fyrir mestu er að liðið haldi áfram að spila góðan fótbolta og leikmenn einbeiti sér að því, óháð fjárhagnum. Þeir æfingaleikir sem maður hefur séð í Asíu geta vart talist marktækir, en þó gaman að sjá hvað Kyut og Torres eru sprækir og þessi Spearing. Glen Johnson á eftir að koma til, en menn eins og Voronin og Riera mættu alveg fara eitthvað annað.


mbl.is Samið um skuldir Liverpool
Tilkynna um óviðeigandi tengingu við frétt

Kaupa meira, kaupa meira...

Ánægjuleg tíðindi og vonandi reynist Jónssonur hverrar krónu virði, hann átti stórleik með Englandi gegn Andorra, en það var nú bara Andorra svo að maður bíður spenntur eftir eldskírninni á Anfield. Ef við ætlum okkur dollu næsta vetur þarf að styrkja hópinn enn frekar, og fá m.a. annan ofurframherja við hlið Torres. David Villa væri ágætur kostur, og er Eiður Smári ekki á lausu?! Fer svo ekki frá því að við þurfum að fá Crouch aftur...

Vonandi fær Benitez fleiri pund til að punga út í sumar, og þá einhverja almennilega leikmenn. Klúbburinn hefur keypt of marga A-leikmenn á pappírum sem reynst hafa í B-klassa þegar á hólminn er komið.

 


mbl.is Glen Johnson á leið til Liverpool
Tilkynna um óviðeigandi tengingu við frétt

Ekki alveg búið...

Þetta var auðvitað skyldusigur, hef sjaldan séð lélegra lið en þessa bresku KR-inga. Liverpool hefði hæglega átt að vinna fimm til sex núll, þó ekki væri nema fyrir að eitt af þremur sláarskotunum hefðu ratað í netið. Yfirburðirnir voru algjörir. Skandallinn var þetta brot Joey Barton á Alonso, og aldrei þessu vant var maður sammála Gaupa í lýsingunni, er hann sagði að Barton ætti bara heima bakvið lás og slá. Gjörsamlega glórulaust brot og ekkert annað en líkamsárás.

Enn er möguleiki á að ná Man Utd að stigum, djöflarnir hljóta að fara að misstíga sig. Við eigum eftir þrjá leiki, útileiki á móti West Ham og WBA og að síðustu heimaleik gegn Tottenham. Ættu samkvæmt öllu eðlilegu að vera trygg níu stig. Þá þyrfti Torres að koma úr meiðslunum og Gerrard að stilla af miðið.

Prógrammið hjá ManUtd er heldur erfiðara, heimaleikir á móti Man City og Arsenal, og útileikir gegn Wigan og Hull. Allt getur gerst enn... já já

 

 


mbl.is Liverpool fór létt með Newcastle
Tilkynna um óviðeigandi tengingu við frétt

Þetta á ekki að vera hægt...

Hvað er hægt að segja eftir svona leik? Liverpool 4 - Arshavin 4. Ef ég væri eigandi Liverpool væri ég búinn að hringja í Benitez og segja: Kauptu Arshavin, hvað sem það kostar! Væri gaman að vita hvort einhver fordæmi séu fyrir því í sögu klúbbsins að einn og sami leikmaður andstæðingsins skori fjögur mörk á Anfield. Leikurinn var vissulega magnaður, en rándýr mistök í vörn Liverpool kostuðu okkur sigurinn. Segja má að við höfum gefið þeim fjögur færi og þau voru öll nýtt. Á meðan var nýtingin hinum megin ekki nógu góð, hefðum getað verið yfir í hálfleik 3-1. Minnir að Liverpool hafi fengið 11-12 hornspyrnur, Arshenal 0! Og markskotin eitthvað á annan tuginn á móti fjórum hjá Arshenal. Þetta á ekki að vera hægt!!!

Nú er bara að heita á Hemma Hreiðars á Old Trafford... Þetta er ekki búið enn!


mbl.is Liverpool í toppsætið - Arshavin með fernu fyrir Arsenal
Tilkynna um óviðeigandi tengingu við frétt

« Fyrri síða | Næsta síða »

Höfundur

Björn Jóhann Björnsson
Björn Jóhann Björnsson

Höfundur er kotroskinn og kærulaus Króksari að uppruna.

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (28.3.): 0
  • Sl. sólarhring:
  • Sl. viku: 129
  • Frá upphafi: 0

Annað

  • Innlit í dag: 0
  • Innlit sl. viku: 129
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Nýjustu myndböndin

Fögnuður úr böndum

Innskráning

Ath. Vinsamlegast kveikið á Javascript til að hefja innskráningu.

Hafðu samband